Utan straum
Feil i ditt hus eller straumbrot i nettet?
Ved straumbrot eller annan feil på straumleveringa bør du gjera følgjande før du ringjer vår vakttelefon 56 55 33 33:
Undersøk om naboar eller andre i området har straum.
Om det berre er ditt anlegg som er utan straum, må du sjekka om sikringar og eventuell jordfeilbrytar har kopla ut. Hugs å sjå på sikringar på inntak (kan vera på loft/kjellar eller utvendig tilknytningsskap).
Dersom alt ser ut til å vera i orden, men det er berre du som ikkje har straum, bør du ta kontakt med elektrikar då det er mest truleg at feilen er på det elektriske anlegget.
Dersom straumen også er borte hos naboane, eller du reknar det som sikkert at feilen er utanfor ditt anlegg, kan du ringja vår vakttelefon.
Det er veldig viktig at du ringjer dersom du har sett feil på nettet vårt. Dette kan føra til at vi fortare kan lokalisera og utbetra feilen.
Telefonnummer til elektroinstallatørar i vårt forsyningsområde:
Kvam Elektro, Øystese 56 55 00 00
Øystese Elektiske AS, Øystese 56 55 04 40
Norheimsund Elektro, Norheimsund 56 55 36 60
Hovden Elektro, Norheimsund 56 55 56 10
Hordaland Elektroteknikk, Strandebarm 90 93 99 65
AMS målar
Bruksanvisning til den nye AMS målaren
Bruksanvisning til den nye AMS målaren
Beskriving av målaren og funksjonaliteten i den.
Du kan stola på den nye straummålaren
Du kan vera trygg på at informasjonen om straumforbruket ditt ikkje vert misbrukt
I den siste tida har media skrive om montering av automatiske straummålarar i Noreg, og Datatilsynet åtvarar mot at dei nye målarane kan registrera informasjon som kan gje andre innsyn i privatlivet ditt. Nettselskapa er underlagt dei same strenge reglane som bankane når det gjeld personvern og datatryggleik.
All informasjon som vert sendt er krypert med unike krypteringsnøklar. Ingen utanforståande har tilgang til dataene, utan at kunden sjølv gjev fullmakt til det. Datatilsynet har sjølv medverka til tryggleiksveiledaren for dei nye målarane.
Straumselskapa brukar informasjonen til å gje kunden nøyaktig faktura, og til drift og vedlikehald av straumnettet.
Informasjon frå dei nye målarane seier ikkje noko om kva type apparat straumen er brukt til, kun mengda som er brukt. Straumselskapa har verken lov eller teknologi til å registrera forbruk på eit slikt detaljnivå at det fortel kva straumen vert brukt til.
Fordelar med den nye straummålaren
Det vert enklare for deg - du slepp å lesa av straummålaren
Det er tryggare for deg, nettselskapet får betre informasjon ved straumbrot og kan retta feilen raskare
Du får betre og meir detaljert oversikt over straumforbruket ditt
Målaren kan om ynskelig koblast opp mot energistyringssystem. Du vel sjølv leverandør av denne typen utstyr.
Raskare feilretting
No må du som kunde sjølv melde frå om feil i straumnettet. Når dei nye målarne er på plass, vil du sleppa å gjera dette – då sier målarne sjølv frå. Dette gjer at me kan retta feila vesentleg raskare enn før.
Slik som det er i dag, bruker montørane tid på å lokalisera kvar feilen er. Kombinert med målingar som vert henta frå nettstasjonane, vil montørane kunne komma raskare ut for å rette feil.
Slutt på stipulering
Informasjonen Kvam Kraftverk får inn frå målarane, skal brukast til å gi kundane ein nøyaktig straumrekning kvar gong for den aktuelle perioden. Det vert ikkje naudsynt å stipulera forbruket meir. Dette betyr at kundane får rett straumrekning heile tida, og slepp ubehagelege overraskingar.
Hovedutrullinga av AMS målarar er ferdig!
Hovedutrullinga av AMS målarar er ferdig, og omlag 7200 målarar er skifta i vårt nettområde.
Dei fleste av kundane våre har fått ny målar, men det gjenstår nokre kundar, der tidlegare tidspunkt for målarskifte ikkje har passa.
Dersom De er ein av desse kundane, ta kontakt på tlf. 56 55 33 00 for å avtala tidspunkt for skifte.
Det er no målarmontør frå Haringnett som utfører dei siste målarskifta.
Bestill nettabonnement
Flytte til Kvam eller flytte ut? Her er skjema du må fylle ut.
Meld flytting
Når du flyttar er det viktig at du melder frå både til nettselskapet og kraftleverandøren.
I Kvam herad er Kvam Energi Nett AS netteigar, og har ansvaret for å overføra kraft frå nettet til din bustad. Du må difor melde frå til oss om di nye adresse, og eventuelt avslutte abonnementet på adressa du flyttar frå. Hugs å lesa av målaren ved flytting.
Flyttar du inn på ei ny adresse i vårt nettområde bestiller du abonnement for nettleige her.
Du vel sjølv kva kraftleverandør du ynskjer til di nye adresse. Du må sjølv ta kontakt med kraftleverandøren du ynskjer, ei oppdatert oversikt over kraftleverandørar i vårt nettområde kan du få ved å ta kontakt med oss.
Dersom du ikkje vel ein kraftleverandør, er nettselskapet pålagt å levera kraft til di adresse. Du vil då verta lagt på leveringsplikt.